ໃນວັນທີ່ 15/06/2026 ຢູ່ທີ່ຫ້ອງການບ້ານ ໜອງເມກ ເມືອງຄຳເກີດ ແຂວງບໍລິຄຳໄຊ ຄະນະ ທີມງານຈາກຫ້ອງການຍຸຕິທຳເມືອງຄຳເກີດ ໄດ້ລົງ ເຄື່ອນໄຫວໂຄສະນາເຜີຍແຜ່ກົດໝາຍ, ເຜີຍແຜ່ ດຳລັດ 77/ລບ ລົງວັນທີ່ 28 ກຸມພາ 2018 ວ່າ ດ້ວຍການຊ່ວຍເຫຼືອທາງດ້ານກົດໝາຍໂດຍບໍ່ເສຍ ຄ່າ ແລະ ຕັ້ງໂຕະໃຫ້ຄຳປຶກສາ ນໍາເອົາບາງກົດໝາຍ ເຊັນ: ກົດໝາຍອາຍາ, ປະມວນກົດໝາຍແພ່ງ, ກົດໝາຍບາງມາດຕາທີ່ກ້ອງຂ້ອງລົງເຊື່ອມຊື່ມໃຫ້ ປະຊາຊົນພາຍໃນບ້ານ ແລະ ການຈັດຕັ້ງບ້ານ ພາຍໃນບ້ານໜອງເມກ ໂດຍການປະທານຂອງ ທ່ານ ພານຄໍາຊົ່ງຊົວຢີ່ງ ຮອງຫົວໜ້າຫ້ອງການຍຸຕິທໍາ (ຜູ້ຊີ້ນໍາວຽກງານຍຸຕິທຳຮາກຖານ) ໃຫ້ກຽດ ເຂົ້າຮ່ວມໂດຍທ່ານ ພທ ສຸກັນ ສຸວັນນະໂຄດ ຄະນະປົກຄອງຕາແສງທົ່ງແສນອຸດົມ ມີອົງການ ຈັດຕັ້ງ ແລະ ພໍ່ແມ່ປະຊາຊົນເຂົ້າຮ່ວມທັງໝົດ 62 ຄົນ, ຍີງ 22 ຄົນ.

ຈຸດປະສົງ: ໃນການລົງເຄື່ອນໄຫວໃນຄັ້ງນີ້ ແມ່ນເພື່ອໃຫ້ປະຊາຊົນໄດ້ຮັບຮູ້ ແລະ ເຂົ້າໃຈຕໍ່ ແນວທາງນະໂຍບາຍຂອງພັກ-ລັດເພື່ອຍົກສູງສະຕິ ໃນການເຄົາລົບກົດໝາຍຫັນການຄຸ້ມຄອງລັດ-ຄຸ້ມຄອງສັງຄົມດ້ວຍລະບຽບກົດໝາຍໃຫ້ມີ ຄວາມເຂັມງວດເຮັດໃຫ້ສັງຄົມມີຄວາມສະຫງົບ

ຜ່ານການໂຄສະນາເຜີຍແຜ່ກົດໝາຍ, ດຳລັດ 77/ລບ ເຫັນວ່າບັນດາພໍ່ແມ່ປະຊາຊົນທີ່ເຂົ້າຮ່ວມ ຮັບທັງແມ່ນມີຄວາມສົນໃຈ ແລະ ມີການປະກອບ ຄໍາຄິດຄໍາເຫັນຢ່າງມີຈະບວນການຟົດຟື້ນ.

ໃນຕອນທ້າຍຂອງພິທີ ທ່ານ ພທ ສຸກັນ ສຸວັນນະໂຄດ ຄະນະປົກຄອງຕາແສງທົ່ງແສນອຸດົມ ໄດ້ມີຄຳເຫັນຕໍ່ພິທີ ທ່ານໄດ້ເໜັ້ນໜັກເຖິງອົງການ ປົກຄອງບ້ານ, ພໍ່ແມ່ປະຊາຊົນເອົາໃຈໃສຈົ່ງມີສະຕິ ຕໍ່ບັນຫາບັນດາປະກົດການຫຍໍ້ທໍ້ທີ່ເກີດຂື້ນ ແລະ ພ້ອມກັນແກ້ໄຂບັນດາຂໍ້ຂັດແຍ່ງຕ່າງໆໃຫ້ພໍ່ແມ່ ປະຊາຊົນມີສະຕິໃນການສະໜອງຂໍ້ມູນຂ່າວສານ ຈຳແນກມິດສັດຕູ, ມີສະຕິໃນການດຳລົງຊິວິດໃນ ສັງຄົມດ້ວຍລະບຽບກົດໝາຍຢ່າງເຂັມງວດ.