ກຸ່ມຄົນເປົ້າໝາຍ
ຜູ້ທຸກຍາກ, ຜູ້ດ້ອຍໂອກາດ, ຄົນພິການ, ເດັກທີ່ຕ້ອງການການປົກປ້ອງພິເສດ, ຜູ້ກະທຳຜິດທີ່ກົດໝາຍກຳນົດໃຫ້ມີທະນາຍຄວາມເຂົ້າໄປຊ່ວຍເຫຼືອ, ແມ່ຍິງ ແລະ ເດັກນ້ອຍ ທີ່ຖືກເຄາະຮ້າຍຈາກການໃຊ້ຄວາມຮຸນແຮງ, ຜູ້ຖືກເຄາະຮ້າຍຈາກການຄ້າມະນຸດ.
ຜູ້ຕາງໜ້າ
ຜູ້ຕາງໜ້າໃນການຮ້ອງຂໍ ຫຼື ສະເໜີຂໍການຊ່ວຍເຫຼືອທາງດ້ານກົດໝາຍ ແລະ ຄົນທີ່ເຫັນກຸ່ມຄົນເປົ້າໝາຍ ທີ່ອາດຈະຕ້ອງການຄວາມຊ່ວຍເຫຼືອທາງດ້ານກົດໝາຍ.
ບຸກຄົນໃຫ້ການຊ່ວຍເຫຼືອທາງດ້ານກົດໝາຍ
ພະນັກງານລັດຖະກອນ, ທະນາຍຄວາມ (ຜູ້ທີ່ຖືກແຕ່ງຕັ້ງຈາກການຈັດຕັ້ງທີ່ກ່ຽວຂ້ອງ ເພື່ອໃຫ້ການຊ່ວຍເຫຼືອທາງດ້ານກົດໝາຍ).
ການຈັດຕັ້ງໃຫ້ການຊ່ວຍເຫຼືອທາງດ້ານກົດໝາຍ
ກະຊວງຍຸຕິທໍາ, ພະແນກຍຸຕິທໍາແຂວງ-ນະຄອນຫຼວງວຽງຈັນ, ຫ້ອງການຍຸຕິທໍາເມືອງ-ນະຄອນ, ສະຖາບັນຍຸຕິທໍາແຫ່ງຊາດ, ສະຖາບັນຍຸຕິທໍາແຫ່ງຊາດສາຂາພາກເໜືອ-ພາກກາງ-ພາກໄຕ້, ສະພາທະນາຍຄວາມ, ສູນການສະຫະພັນແມ່ຍິງລາວ.